Udhëheqësit arabë mblidhen sot në Kajro për të diskutuar një alternativë ndaj planit të dënuar gjerësisht, të presidentt të SHBA-së Donald Trump, për të marrë kontrollin e Gazës së goditur nga lufta dhe për të zhvendosur popullsinë e saj palestineze.
Samiti i Ligës Arabe për rindërtimin e territorit vjen një ditë pasi kryeministri izraelit Benjamin Netanyahu i dha përsëri mbështetjen e tij planit të Trump, duke e quajtur atë “vizionar dhe inovativ”.
Palestinezët, së bashku me botën arabe dhe shumë nga partnerët e Izraelit dhe të Shteteve të Bashkuara, kanë dënuar propozimin e Trump, duke hedhur poshtë çdo përpjekje për të dëbuar banorët e Gazës.
Vlerësimet e OKB-së kanë nxjerë një kosto për rindërtimit të Gazës në më shumë se 53 miliardë dollarë, pas një lufte shkatërruese të shkaktuar nga sulmi i paprecedentë i Hamasit në Izrael më 7 tetor 2023.
Ministrat e Jashtëm arabë u takuan në kryeqytetin egjiptian të hënën për një seancë përgatitore me dyer të mbyllura, e përqendruar në një plan për të rindërtuar territorin pa zhvendosur njerëzit e tij, tha një burim në Ligën Arabe për AFP në kushte anonimiteti. Burimi tha se plani “do t’u paraqitet udhëheqësve arabë në samitin e së martës për miratim”.
Krerët e shteteve të disa vendeve arabe pritet të marrin pjesë, ndërsa disa vende dërguan ministra të jashtëm ose përfaqësues të tjerë të nivelit të lartë.
Presidenti i Egjiptit Abdel Fattah al-Sisi dhe mbreti i Bahreinit Hamad bin Issa Al Khalifa pritet të mbajnë fjalët e hapjes, sipas një plani të përcaktuar nga Liga Arabe.
Trump shkaktoi zemërim global kur për herë të parë paraqiti idenë e tij që Shtetet e Bashkuara të “marrën” Rripin e Gazës dhe ta kthejnë atë në “Rivierën e Lindjes së Mesme”, ndërsa i detyroi banorët e saj palestinezë të zhvendosen në Egjipt dhe Jordani.
Por, që atëherë, Trump ka zbutur qëndrimin e tij, duke thënë se ai “nuk po e detyronte” planin, për të cilin ekspertët kanë thënë se mund të shkelë ligjin ndërkombëtar.
