omisioni Evropian tani për tani po tregohet i përmbajtur të komentojë për rastin “Reket” dhe vendimin e djeshëm për arrestimin e prokurores speciale publike Katica Janeva. Megjithatë, nga Komisioni Evropian pritet që autoritetet e Maqedonisë së Veriut të kryejnë një hetim të thelluar hetim thelbësor.
“Nuk komentojmë hetime të tilla. Për BE-në është me rëndësi të vazhdojë lufta kundër korrupsionin dhe të vendoset përgjegjësi ligjore për çdo krim”’ thuhet në të vetmen deklaratë të zëdhënëses së Komisionit Evropian.
Policia maqedonase arrestoi dje prokuroren e posaçme Katica Janeva, e cila mund të jetë përfshirë në skandalin e korrupsionit të njohur si “zhvatja”.
Skandali i publikuar në gazetën italiane La Verita ka tronditur themelet e gjyqësorit në Shkup.
Në videon e publikuar duket Bojan Jovanovski, i njohur si Boki 13, duke dalë së bashku me një ndihmës të tij nga shtëpia e biznesmenit Jordan Kamçev me dy valixhe të mbushura me para.
Boki 13 në këtë rast dyshohet si një lloj ndërmjetësi i prokurores Katica Janeva në këtë skandal të madh korrupsioni.
