Kryeministri Edi Rama zhvillon sot vizitë në Rusi. Kjo vizitë është pjesë e axhendës së kreut të qeverisë shqiptare në cilësinë e kreut të OSBE për vitin 2020. Mësohet se ditën e nesërme Rama do të zhvillojë në Rusi takime me krerë të niveleve të larta.
Gjatë fjalës së tij në Këshillin e Sigurimit të OKB, Rama e quajti zgjidhjen e konfliktit Rusi-Ukrainë një nga prioritetet gjatë kryesimit të OSBE-së. Ai tha se Rusia duhet të bëjë më shumë nga ana e saj për zbatimin e paqes, ndërsa shtoi se të dy palët duhet të mendojnë më shumë për qytetarët e tyre, pavarësisht pretendimeve nëse janë ukrainas apo rusë.
Rama tha se OSBE monitoron situatën në zonën e konfliktit por kërkoi dhe një mision paqeruajtës të OKB, kur të shtënat nisin gjatë natës.