Austri sot voton për të zgjedhur parlamentin e ri, ndërsa procesi po vëzhgohet edhe nga deputetët shqiptarë dhe anëtarët e KQZ-së. Në Austri ndodhen bashkë-kryetari i reformës zgjedhore Damian Gjiknuri, deputeti i opozitës Myslim Murrizi dhe katër anëtarët e KQZ-së. Murrizi ka bërë një postim në rrjetet sociale duke ironizuar Gjiknurin, ndërsa ka edhe një mesazh për politikën për sistemin e ri që duhet të miratohet.
“Dy dite ne Vjene me Damianin dhe 4 antare te KQZ. Meqenese Basha u pajtua me PS sepse Rama iku (ne Amerike)dhe solli Ivin ne komisionin e reformes zgjedhore, edhe une thashe qe nuk ka me kuptim te rri “zemruar” as me Damianin e as me “ ambasadorin” e Bashes ne komision. Ky eshte modeli i fletes se votimit qe rreth 6 milionë qytetare austriake do te votojne ne zgjedhjet parlamentare.
Pas kesaj besoj qe do biem rehat te gjithe se ne parlament do shkojne vetem ata qe votohen nga qytetaret shqiptare, e jo vemje te kryetareve te partive. Pas ndryshimit te sistemit zgjedhor nuk ka me “ faktore” politik me “silikon”. E di qe do nerziten disa spiune te sigurimit me pseudonime qefulli, lavreku, korani, qe drejtojne emisione televizive, sepse nuk do jene me jo deputet por as kryepleq, klloun te peshtire qe na i paraqesin si mender faktore, po kujt i plasi ????” shkruan Murrizi.
