Pas pamjeve të publikuara në KZAZ-në numër 2 në Shkodër, ku shqye nga disa persona, që dyshohet se janë militantët të PS-së dera e kësaj qendre votimi, ka folur edhe Voltana Ademi.
Pas këtyre pamjeve kryetarja e Bashkisë Ademi ka treguar frikën më të më madhe që ka për 30 qershorin, pra për ditën e nesërme. Ajo është shprehur se i ka shumë frikë goditjet me armë dhe se nesër demokratët mund të provokohen.
“Unë kam frikë vetëm nga një gjë, i kam frikë goditjet me armë, si ato në kishë, prandaj policia duhet te veprojë në bazë të ligjit.Po jua tregoj historinë. Ne momentin qe shoku Enver mbyllte kishat, futi dikë, që futi armët në kishë,dhe i gjetën komunistët dhe vranë priftërinjtë. Unë këtë nuk ja lejoj vetes në vitin 2019. Dëgjoni, unë i kam shume frikë armët në kishë.“I trembem historisë së armëve në kishë, ku ka shumë mundësi që të manipulojnë situatën duke na provokuar”, , u shpreh ajo dje në “Open”.
Tensione, përplasje ka pasur dje në disa qarqe, si Shkodra, Bulqiza dhe Dibra. Simpatizantët e PD-së dhe PS-së kanë sulmuar disa KZAZ. Në Dibër pati përplasje mes mbështetësve të PD-së dhe policëve. Gjithashtu edhe në Bulqizë. Policia iu përgjigj me gaz lotsjellës.
