Ka nisur prej orës 07:00 procesi i votimit në Fier. Gazetari Ervis Kuçi raportoi për “BalkanWeb” se në shkollën “Pinellopi Pirro” KZAZ 59, qendrat e votimit 30131 dhe 3013 janë vendosur në kat të dytë, çka përbën thyerje të rregullores së Ministrisë së Shëndetësisë, sipas të cilës Qendrat e Votimit duhet të jenë në kat të parë.
Në QV 3156 shkolla 9-vjeçare në Frakull votimi filloi rreth një orë me vonesë, për shkak se komisionerët e tjerë nuk njihnin komisionerin e LSI. Problemi u zgjidh dhe më pas votimi ka vijuar normalisht.
