Kur janë bërë 30 orë nga fillimi i procesit të numërimit të votave në gjithë vendin, pjesa më e madhe e qarqeve ende nuk i kanë nxjerr rezultatet e tyre. Kjo, për shkak se një pjesë e kutive janë të panumëruara.
Qarku i parë ku ka përfunduar numërimi ka qenë ai i Kukësit, me 3 mandate gjithsej, 2 për PD dhe 1 për PS. Pas tij, një tjetër qark verior shpalli rezultatet e veta. Dibra arriti që pas pak më shumë se 27 orë, të shpallte fitoren, si bastion i djathtë. 3 mandate për PD dhe 2 për PS.
Një orë më parë, Gjirokastra shpalli gjithashtu rezultatin. Këtë herë ishin socialistët që kryesonin, ndryshe nga dy qarqet e mësipërme. 4 mandatet e këtij qarku u ndan 3 për PS dhe 1 për PD.
Situata në qarqet e tjera:
Qarku Vlorë
– 444 kuti të numëruara, nga 445 në total
Qarku Berat
– 252 kuti të numëruara, nga 277 në total
Qarku Durrës
– 308 kuti të numëruara, nga 481 në total
Qarku Elbasan
– 488 kuti të numëruara, nga 511 në total
Qarku Fier
– 568 kuti të numëruara, nga 580 në total
Qarku Korçë
– 388 kuti të numëruara, nga 427 në total
Qarku Lezhë
– 228 kuti të numëruara, 249 në total
Qarku Shkodër
– 387 kuti të numëruara, nga 411 në total
Qarku Tiranë
– 860 kuti të numëruara, nga 1243 në total
*Në listë nuk janë Kukësi, Dibra dhe Gjirokastra, pasi numërimi për to ka përfunduar dhe rezultati është shpallur.
