Kryeministri Edi Rama ka shmangur daljet publike, që prej mëngjesit të sotëm, kur i shoqëruar nga bashkëshortja Linda, hodhi votën në kutinë e qendrës së tij të votimit në Surrel.
Që prej atij momenti Rama u zhvendos në Selinë Rozë në Tiranë. Aty kryeministri u takua me djaloshin e shkathët që vetëm pak metra më larg, në sheshin “Skënderbej” kreu një akt tepër të guximshëm duke ndaluar një person që me makinë kërcënonte të shtypte qytetarët.
Rama u zhvendosë më pas në zyrën e tij në godinën Kryeministrisë, ku kaloi disa çaste, ndërsa sipas “Euronews”, aktualisht ai ndodhet në qytetin e Durrësit.
Rama ka zgjedhur të qëndrojë larg kamerave, ndryshe nga Lulzim Basha dhe Ilir Meta që në pak orë kanë vizituar disa qytete, prej nga ku kanë dhënë deklarata të njëpasnjëshme për mediat.
