Kryeministri Edi Rama ka bërë me dije se PS-ja do të merrte në këtë zgjedhje deri në 77 mandate, ose 800 mijë vota, që ka qenë edhe objektivi maksimal i socialistëve në këto zgjedhje.
Rama tha se kjo nuk është arritur pasi ka pasur shumë vota të pavlefshme, duke marrë shembullin në Elbasan, ku tha se shumë qytetarë kanë votuar gabimisht.
“Janë votuar 12 dhe për votën e kandidatin, në Elbasan ka vota të pavlefshme që votonin 12 dhe 8, që është numri i Taulantit. Në kemi kaluar objektivin tonë për të thyer tavanin e 800 mijëve, ne kemi 3 mandate të humbura”, tha Rama në një intervistë televizive.
Në total në këto zgjedhje janë shpallur 83028 vota të pavlefshme, nga të cilat rreth 45 mijë i takojnë PS-së. Në total, PS ka marrë 768250 vota në rang kombëtar, ose 74 mandate.
