ZGJEDHJET/ Prej më shumë se 2 orësh procesi i numërimit për votën e diasporës i ndërprerë, ja si ndahen shifrat deri tani

Që nga ora 05:30 është pezulluar procesi i numërimit të votave të diasporës në Parkun Olimpik, kjo pasi numëruesit kishin nevojë të pushonin.

Pprocesi pritet të nisë në orën 10:30.
Ndërkohë vota elektronike pritet të bëhet publike dhe të hidhet në faqen e KQZ pas rreth 1 orë e 30 minutash, pra rreth orës 08:30.

Zarfet e Greqisë janë lënë veç dhe do të numërohen veç, gjë që është ankimuar nga PS.
Partia Socialiste ka reaguar ndaj vendimit të KQZ-së për numërimin e veçantë të votave të diasporës në Greqi.

Me anë të një shkrese drejtuar Komisionit Qendror të Zgjedhjeve, PS kërkon shfuqizimin e vendimit të mëparshëm të KQZ për ndarjen e procesit të numërimit të votës së diasporës në Greqi më vete.

Sipas rezultateve të deritanishme të reflektuara në faqen e KQZ për votën e diasporës, PD-ASHM ka marrë 726, pra 43.95 %; PS 705 vota, pra 42.68 % dhe NISMA-SHB 117, pra 7.08 %.