Teksa janë numëruar rreth 95 % e votave, në Maqedoninë e Veriut Lidhja Social Demokrate e ish kryeministrit Zoran Zaev shpalli fitoren në zgjedhjet e Pergjithshme Parlamentare të së mërkurës.
Sipas kreut të LSDM, partia e tij ka siguruar 49 mandate kurse rivali opozitar VRMO-DPMNE i Hristijan Mickovskit 46
Sipas të dhënave zyrtare të Komisionit Zgjedhor, LSDM ka marrë 36.13% të votive, VMRO 34.65%, BDI-ja e Ali Ahmetit 11.57%, ndërsa koalicioni aleanca për Shqiptarët me Alternativën 8.79%. Por këto të dhëna nuk ndihmojnë për t’u përkthyer zyrtarisht si mandate në parlament për shkak se Maqedonia e Veriut ndahet në gjashtë zona zgjedhore dhe secila dërgon njëzet ligjvënës në parlamentin me 120 vende
Tek kampi politik shqiptar Bashkimi Demokratik për Integrim thotë tha se ka fituar 12 deputetë dhe se pritet konfirmimi edhe i një tjetëri
Koalicioni shqiptar i ‘Aleanca dhe Alternativa’ mund të kenë fituar deri në dhjetë deputetë, ndërsa Partia Demokratike Shqiptare e Menduh Thaçit, sipas të gjitha gjasave, vetëm një vend.
Në bazë të këtyre rezultateve Zoran Zaev (LSDM) do të fitojë mandatin për të formuar një qeveri të re për të cilën ka dy alternative, ose në bashkëqeverisje me BDI dhe koalicionin tjetër shqiptar ‘Aleanca dhe Alternativa’, ose me njërën prej të dyjave dhe me tre parti të tjera që kanë fituar nga 1.3 deri 4%.
Lideri i LSDM-së Zoran Zaev në disa raste është shprehur se nuk do të bëjë koalicion qeveritar me ‘Bashkimin Demokratik për Integrim’ apo ndryshe BDI-në e Ali Ahmetit, e cila ka projektuar për kryeministër edhe një emër të përveçëm, atë të Naser Ziberi-t, teksa zyrtarët e kësaj të fundit kanë theksuar më tepër se një herë preferencën për ta vazhduar koalicionin qeverisës me social-demokratët maqedonas.
