Komisioni Qendror i Zgjedhjeve ka bërë të ditura të dhënat më të fundit mbi ecurinë e procesit zgjedhor në Kosovë, në konferencën e tretë të mbajtur gjatë ditës së votimit.
Sipas KQZ-së, të drejtën e votës e kanë ushtruar 675 mijë e 950 persona, që përbën 34,49 për qind të elektoratit të regjistruar.
Sipas të dhënave zyrtare, në këto zgjedhje kishin të drejtë vote 2 milionë e 92 mijë e 174 qytetarë. Ndërkohë, për herë të parë në procesin zgjedhor morën pjesë 22 mijë e 685 votues të rinj.
Votimi është zhvilluar në 949 qendra votimi me gjithsej 2 mijë e 550 vendvotime të shpërndara në të gjithë territorin e Kosovës.
