Gazetari i Panorama.al, Mariglen Kume raporton nga qyteti i Durrësit se në ambientet e shkollës “Neim Babameto” ka një prezencë të shtuar të personave të pa akredituar që qëndrojnë brenda dhe jashtë ambienteve të shkollës që po shërben si qendër votimi.
Në këtë shkollë më herët ndodhi dhe incidenti me dhëndrin e Sali Berishës, Jamarbër Melltezin, të cilit disa persona të paidentifikuar prej tij, i kanë marrë celularin dhe i kanë fshire videot që kishte filmuar.
Siç shihet nga pamja, personat janë të ndarë në dy grupe, dhe mbajnë kapuça na kokë.
Disa qëndrojnë të ulur brenda shkollës, ndërsa një pjesë jashtë, por asnjëri prej të pranishmëve nuk ka dokumentin e identifikimit në rast se janë apo jo vëzhgues të partive politike.
Edhe kreu i KQZ-së ka kërkuar nga KZAZ-të që të njoftojnë në rastet kur ka grumbullime të personave të paautorizuar, të cilët dyshohet se mund të intimidojnë zgjedhësit.
Por edhe pse më herët pati incidente në këtë qendër votimi, gazetari i Panorama ka fotografuar sërish Jamarbër Malltezin, i cili ndodhet sërish në shkollën “Neim Babameto” për të monitoruar votimin e zgjedhjeve.
