Lulzim Basha ka urdhëruar zgjedhjen e kryetarëve të PD dhe zhvillimin e Kuvendit Kombëtar në datën 15 dhjetor. Sipas një axhende të vendosur nga ai personalisht, nga nesër fillojnë zgjedhjet në shumë degë, të cilat mund të quhen gara të paravendosura, ose proçese formale rimandatimi.
Gjithësesi, këto pseudo gara në shumicën e degëve do rikonfirmojnë kryetarët në detyrë, të cilët pas dy dështimeve në zgjedhjet 2015, 2017, pritet të kenë edhe dy gara të tjera përballë për t’u “provuar”. Në Durrës, kryetari i komanduar Ferdinand Xhaferraj pritet të ketë përballë Sokol Kapedanin, një rival i cili në fakt në garë nuk është për kryetar, por pas pazarit, do bëhet sekretari i degës se Durrësit, shkruan CNA.al.
Në Sarandë, Hariz Mema, ish-kreu i Aleances Kuq e Zi më pas kryetar i PD, i ka vendosur vetes rival Shpetim Iljazin.Në Korçë, Andrea Mano ka përballë Elvin Bregun, krejtësisht kandidat formal, që në fakt nuk merr as votën e vet në Kuvend, jo se ja vjedhin, por sepse formalisht është zhvilluar çdo proçes, pra proçesverbali është firmosur dhe vulosur për rezultatin përfundimtar.
Ne Fier, rikandidon Luan Baçi, deputeti dhe kreu aktual i degës, ku po ashtu pritet një garë totalisht formale si ato më sipër. E njëta situatë paraqitet edhe në shumë nga degët e Tiranës, në Gjirokastër, Sarandë etj.
Në përfundim këto gara duken krejtësisht formale dhe jo një riorganizim, por një rikonfimim në detyrë i kryetarëve aktualë për të cilët nuk mjaftuan dy humbje për t’u provuar, por do duhen edhe disa të tjera.
