Gëzim i madh për përfaqësuesit e Partisë Socialiste në Berat dhe për vetë drejtuesin politik Blendi Klosi, i cili ka arritur të fitojë mandatin e tij në kutinë e fundit dhe me votat e fundit.
Nga 4 mandate që ishte PS në Berat, tashmë ka kaluar në 5 dhe ka nxjerr deputet ministrin Klosi. Vetë ministri ka thënë se PS i ka marrë në Berat një mandat LSI duke shkuar në kuotën e 5 prej tyre, nga 7 që ka gjithë qarku.
Ndërkohë, Partia Demokratike ka 2 mandate deputeti në këtë qarkë. LSI tashmë ka 0 mandate në Berat.
“Është fitore e PS dhe e Edi Ramës në gjithë Shqipërinë. Këtu në Berat ne morëm 5 nga 7 mandate. Kemi një ribashkim të së majtës, asaj të majte që ishte përçarë. Një garë dinjitoze, pa incidente dhe një garë e bukur që shkonte me rezultate kuti më kuti”, tha Klosi pas fitores.
