Organi më i lartë vendimmarrës i KQZ vendosi që në zgjedhjet e 25 prillit shqiptarë të votojnë me numra dhe jo emra.
Vendimi pothuajse zhbën gjithë synimin e hapjes së listave të deputetëve. Shqiptarët duan të dinë se për cilin po votojnë dhe këtë duan ta shikojnë edhe në fletën e votimit. Kjo u tregua edhe nga sondazhi I hapur nga komisioneri Celibashi. Në shumicë dërmuese preferuan fletën e votimit me emrat e të gjithë kandidatëve. Por KAS vendosi të kundërtën
Komisioni i Ankesave pranoi ankimin e Partisë Socialiste dhe hoqi emrat e kandidatëve nga fleta e votimit duke vendosur që ata të identifikohen me numra. Vendimi i KAS u parapri nga debatet e përfaqësuesve politik të PS dhe PD-së.
Ne KAS, Partinë Demokratike humbi edhe përballjen me Bindjen Demokratike për ngjashmërinë mes logove të dy partive. Demokratët i kanë shpresat tashme ne Kolegj.
Fjala e fundit i takon gjykatës zgjedhore e cila duhet të shprehet për këtë fletë votimit, ku zgjedhësit krahas numrit të subjektit politik do duhet të përzgjedhin edhe një numër tjetër, prapa së cilit fshihet kandidati i tyre i preferuar.
