“Fake news” mund të trazojnë sërish fushatën elektorale europiane sikurse ndodhi me referendumin e Brexit apo zgjedhjen e Donald Trump. Ky është shqetësimi i madh i autoriteteve europiane, të bindur që Moska qëndron pas këtij problemi.
Disa javë nga votimi, BE-ja kërkon të koordinojë iniciativat e shteteve anëtare, duke rritur presionin mbi rrjetet sociale si “Facebook” dhe “Twitter”, që janë bërë platformat e privilegjuara të dezinformimit.
“Ka forca të jashtme anti-europiane, që përpiqen të influencojnë zgjedhjet demokratike të europianëve”, paralajmëroi kohët e fundit presidenti i Këshillit Europian, Donald Tusk, i shqetësuar për ndërhyrje të mundshme gjatë zgjedhjeve europiane të 23-26 majit.
Disa personalitete identifikojnë Moskën si shefin e orkestrës së përpjekjeve për manipulim të opinioneve nëpërmjet “fake news”.
“Ka prova që tregojnë se Rusia është burimi kryesor i këtyre fushatave”, theksoi një prej zëvendëspresidentëve të Komisionit Europian, Andrus Ansip.
Nga imigracioni tek korruptimi i elitave, duke kaluar nga komplotet e të gjitha llojeve, “fake news” mbështesin shpesh herë tematika që përputhen me lëvizjet e ashtuquajtura populiste apo të ekstremit të djathtë.
Ato shfrytëzojnë zhdërvejllësinë e internetit për të shpërndarë infomacione të bujshe si mungesa e besimit tek insitutcionet dhe mediet.
“Kjo është një plagë e padukshme që futet në jetën e qytetarëve tanë dhe influencën opinionet dhe vendimet tona”, shkruan komisionerja, Mariya Gabriel, e ngarkuar me ekonominë informatike, në një raport të publikuar në fund të marsit nga Fondacioni Robert Schuman.
