Komisioni i Ankesave dhe Sanksioneve ka vendosur që të rrëzojë kërkesën ankimore të koalicionit PD-AN për administrimin e 19 provave shtesë për zgjedhjet në qarkun e Tiranës.
Relatori, Ledio Braho u shpreh se KAS po ashtu ka rrëzuar edhe kërkesën ankimore të kandidatit Bojken Abazi për të kryer ekspertizë për një sërë fletësh votimi për qarkun Tiranë.
Braho tha gjithashtu se dy anëtarë të KAS kërkojnë që te merret si prove këqyrja e pajisjeve të identifikimit biometrik.
Ndërkohë, KAS ka rrëzuar më herët kërkesat e PD për marrjen e provave shtesë për Qarkun e Gjirokastrës, Beratit dhe Vlorës.
