Kryeministri Edi Rama ka uruar përmes një postimi në rrjetet sociale zgjedhjen e Hirësisë së Tij, Kryepeshkopit Joan Pelushi, në krye të Kishës Ortodokse Autoqefale të Shqipërisë.
Rama ka shprehur kënaqësinë e tij për zgjedhjen e një shqiptari për këtë post dhe ka dërguar urime të posaçme për Kryepeshkopin, duke e lutur Zotin ta mbrojë dhe udhëzojë në misionin e tij të udhërrëfyesit të kishës ortodokse.
“Mirëmëngjesi dhe me kënaqësinë e rrallë të zgjedhjes së një shqiptari ndër më të mirët në krye të Kishës Ortodokse Autoqefale të Shqipërisë, si edhe me urimin e posaçëm për Hirësinë e Tij, Kryepeshkopin Joan Pelushi, që Zoti ta mbrojë e ta udhëzojë gjithnjë në misionin e Tij të udhërrëfyesit të grigjës së besimtarëve ortodoksë, ju uroj të gjithëve një javë të mbarë”, shkruan Rama.
