Së fundmi, pronari i Twitter-it, Elon Musk, ka qenë në dilemë për rivendosjen e llogarisë së ish-presidentit amerikan Donald Trump, pasi të premten e kaluar ai pyeti ndjekësit nëse duhet apo jo të kthehen llogaritë që ishin pezulluar në platformën e rrjeteve sociale.
Kështu Musk ia hodhi “topin” popullit me një sondazh dhe i la ata të zgjedhin nëse do të rivendosin apo jo projektligjin e Trump: “Zëri i popullit tha po!”.
Vendimin përfundimtar e ka bërë të ditur Musk përmes postimit të tij në platformë, duke thënë se qytetarët kanë folur. “Llogaria e Trump do të rikthehet,” shkroi ai, pasi rezultatet përfundimtare treguan se – me një diferencë të ngushtë – 51.8% e përdoruesve donin që miliarderi republikan të kthehej në Twitter.
