Një infermiere nga Londra që përdorte ritet “voodoo” për të trafikuar prostituta nigeriane në Evropë është dënuar me 14 vite burg ditën e sotme.
Josephine Iyamu përdori një mjeke magjistare për t’i bindur viktimat e saj se ishin nën kontrollin e saj dhe kështu i shfrytëzonte për të financuar një jetesë luksoze që sigurisht nuk mund t’ia ofronte paga e saj si infermiere.
51-vjeçarja ishte një nga kokat e një rrjeti ndërkombëtar të trafikimit të qenieve njerëzore dhe jetonte në një rezidencë të madhe nigeriane të kompletuar me të gjitha të mirat.
Gjykatësi Richard Bond i ka thënë gruas të njohur ndryshe si Madam Sandra:
Ju keni treguar urrejtje të plotë ndaj mirëqenies së këtyre grave. Nuk i keni konsideruar si qenie njerëzore, por si mall që ju sjell shumë para…”
Gruaja “djallëzore” i nënshtronte viktimat e saja me anë të riteve “voodoo” në mënyrë që të rriste fuqinë e saj ndaj tyre.
Kështu, ato kanë qenë të detyruara ta hanin zemër pule dhe të pinin gjak me krimba dhe në këtë mënyrë kanë menduar se do t’iu ndodhë diçka e keqe atyre dhe familjeve të tyre nëse nuk i kryejnë detyrimet ndaj Iyamu-s apo nëse përpiqeshin të arratiseshin.
Iyamu dhe bashkëshorti i saj Efe Ali-Imagodor, 60 vjeç, u arrestuan në Aeroportin e Heathrow më 24 gusht të vitit të kaluar pas udhëtimit nga Nigeria.
