Prokuroria e Krimeve të Rënda ka nisur hetimet për 3 gjyqtarët që zbutën dënimin e Dritat Dajtit, duke i hequr atij dënimin me “Burg Përjetë”, në 25 vjet.
Kujtojmë se para disa ditësh, policia kreu disa aksione blic në banesate e dy gjyqatrëve e tre gjyqtarëve, të cilët zbutën vendimin për çështjen Dajti.
Kontrollet u kryen në shtëpitë e 3 gjyqtarëve, Petrit Aliaj, Skënder Damini dhe Aleks Nikolli të cilët dyshohen për korrupsion.
Policia thotë se operacioni vijon, ndërsa janë sekuestruar para, armë dhe municione, ndërsa kontrollet po kryhen në disa qytete të vendit.
Njoftimi i policisë:
Duke iu përgjigjur interesimit shumë të madh të medias, Policia e Shtetit konfirmon aksionin e ndërmarrë nga forcat speciale, në zbatim të urdhrit nr. 89, datë 14 shkurt 2019, të Gjykatës së Shkallës së Parë për Krime të Rënda, për të ushtruar kontroll në banesat e tre gjyqtarëve, të cilët zbutën dënimin e Dritan Dajtit.
Operacioni policor vazhdon edhe në këto momente, por mund të konfirmojmë se deri tani janë gjetur një sasi municioni, mijëra euro dhe prova të tjera, të cilat do të administrohen nga organet ligjzbatuese.
Në përfundim të operacionit, Policia e Shtetit do të ketë një komunikim të veçantë me median dhe publikun.
