Një avion privat u përplas mbrëmë në një ndërtesë pranë aeroportit të Maltës.
Mediat britanike kanë bërë të ditur që era e fortë shkaktoi prishjen e pajisjeve që e mbajnë aeroplanin të lidhur në parkingun e pistës, gjë që edhe shkaktoi përplasjen, transmeton Gazeta Metro.
Avioni privat i përket miliarderit britanik Lord Ashcroft, i cili njihet në botën e politikës britanike si lobues i rëndësishëm dhe ish-zyrtar i lartë i konservatorëve britanikë. Kur u pyet në rrjetet sociale nëse avioni ishte i tij, ai u përgjigj duke shkruar: “Jooooo…”.
Policia e Maltës dhe ekipet tjera emergjente reaguan menjëherë duke bllokuar trafikun pranë Aeroportit Ndërkombëtar të Maltës për t’u marrë me incidentin e pazakonshëm. Avioni është regjistruar në emër të Ashcroft në Bermuda, kurse vlera e tij llogaritet rreth 20 milionë euro.