Një “Xibrakë” e dytë në Shqipëri. Një operacion i madh po zhvillohet në Veri të vendit. Ndonëse deri tani pjesa veriperëndimore e vendit ishte lënë jashtë hartës së drogës, aksioni i fundi i policisë vërteton të kundërtën.
Gazetarja Dorjana Bezat raportoi për “BalkanWeb” se një laborator heroine është zbuluar sot nga policia në Has. Ndërkaq mësohet se janë arrestuar dy persona deri tani. Burime thanë për “BalkanWeb” se një sasi opiumi është sekuestruar brenda laboratorit. Kujtojmë se opiumi është lënda bazë e heroinë.
Është sekuestruar gjithashtu dhe një sasi e konsiderueshme heroine e përpunuar.
Aktualisht është duke u zhvilluar një operacion i madh në fshatrat e Hasit. Operacioni është shtrirë në disa zona, ku po kryhen kontrolle por ende nuk dihet nëse ka të shoqëruar.
