Ka përfunduar në prangat e policisë të Shkodrës, shtetasi Bledar Cafi, i konsideruar një nga të “fortët” e qytetit verior.
Ai është arrestuar për llogari të drejtësisë italiane si pjesëmarrës në një organizatë kriminale dhe trafikim të lëndëve narkotike.Burime bëjnë me dije se dy net më parë, forcat RENEA kanë bërë një kontroll në banesën dhe bizneset e tij, ndërsa sot pasdite është bërë arrestimi.
Kohë më parë, Cafit i është dërguar formulari për deklarimin e pasurisë.
Në maj të vitit të kaluar, OFL-ja i dërgoi formularin e deklarimit të pasurisë dy vëllezërve Cafit, përkatësisht Bledar dhe Gëzim Cafi.
