Më 1 shkurt Kylie Jenner dhe i dashuri i saj Travis Scott u bënë prindër për herë të parë. 20-vjeçarja solli në jetë një vajzë dhe lajmin e bukur e dha vetë dje me një postim në Instagram, pas 9 muajve që qëndronte në fshehtësi të plotë.
Tani që u mësua se Kylie ka lindur, kurioziteti është i madh se çfarë emri i ka vendosur vajzës dhe fansat duket se kanë të drejtë me teorinë e fundit.
Të gjithë po flasin se Kylie dhe Travis e kanë quajtur vajzën e tyre “Butterfly”.
1.Kylie e ka zbukuruar dhomën e bebes me flutura.
2.Çifti kanë bërë tatuazh të njëjtë: fluturën.
3.Travis i ka dedikuar Kyliet këngën “Butterfly effect”.
4.Gjatë videos që Kylie publikoi dje në një moment kamera fokusohet tek varësja e saj me flutur.
5.Kur dolën lajmet se ajo ishte shtatzënë, Kylie publikoi një foto ku tregonte unazën me flutura, nga ku nisën edhe thashethemet se ajo po priste vajzë, për shkak të ngjyrës rozë.
6.Disa muaj më parë Kylie postoi një emoji me flutur në Twitter duke i lënë fansat të dyshojnë.
20-vjeçarja nuk e ka konfirmuar ende që ky është emri i vajzës dhe shpresojmë mos të tregohet edhe këtë herë aq diskrete sa 9 muajt kur ishte shtatzënë.
