Vetëm dy javë para se të vdiste, fizikanti i njohur Stephen Hawking, kishte përpiluar një punë kërkimore që tregonte mënyrën se si të zbulonin prova të një “multiverse” dhe të parashikonin fundin e ekzistencës sonë.
Multiversi është një teori se universi ynë është vetëm një nga shumë të tjerë të shkaktuara nga fenomeni i ashtuquajtur Big Bang.
Dokumenti, të cilin fizikani e përfundoi teksa dergjej në shtrat para vdekjes, hedh idenë që ne mund të masim universet e tjerë duke përdorur një detektor në një anije kozmike.
Nëse kjo dëshmi do të ishte zbuluar gjatë kohës që Hawking ishte gjallë, ajo mund ta bënte fizikanin kandidat për çmimin Nobel, diçka që ai kurrë nuk ishte në gjendje të arrinte.
