Atentati që ndodhi mesditën e sotme , nga ku mbetën të vrarë dy persona dhe një i tretë u plagosë, tronditi qytetin e Vlorës.
Panorama ka siguruar videon në të cilën duket qartë makina djegur , që atentatorët e përdorën gjatë atentatit, duke e braktisur më pas në fshatin Sherisht e duke i vënë flakën për humbjen e gjurmëve.
Brenda makinës së djegur janë gjetur gjithashtu edhe dy kallashnikovë, të cilët mendohet janë përdorur gjatë sulmit.
Sipas informacioneve, objektivi i atentatit ishte Armando Sulejmani, i cili mbeti i plagosur dhe ndodhet jashtë rrezikut për jetën, ndërsa dy viktimat Orest Rexho, kunati i Sulejmanit dhe Arjan Hasani, shoku i tij, ndodheshin rastësisht me të në makinë.
Armando Sulejmani është një emër i njohur, pasi rezulton i skeduar nga policia. Në qytetin e Vlorës, njihet gjithashtu me nofkën “Çipuri”.
Ai ka qenë anëtarët i bandës së njohur të “Gaxhait”, ndërkohë që është dënuar me parë me burgim. Mësohet se Armando Sulejmani është dënuar me 20 vite burg për kryerjen e një vrasje, ndërkohë që ai ka fituar lirinë në vitin 2016.
{“videoid”:”1550413066525″,”type”:1,”ratio”:0.75}
