Rovena Gashi, ish Drejtorja e Drejtorisë së Marrëdhënieve me Jashtë në Prokurorinë e Përgjithshme dhe atë të Dekriminalizimit, ka fshehur një numër tronditës pronash në vlerën e miliona e miliona eurove, të ardhura me sa duket nga para të pista, sipas një mekanizmi shumë të sofistikuar, për tiu shmangut procesit të vettingut.
Kujtojmë se Rovena Gashi ka qenë krahu i djahtë i ish Kryeprokurorit Adriatik Llalla, ose e thënë ndryshe gruaja që “ka bërë ligjin” në çdo gjë që vendosej dhe ndodhte në Prokurorinë e Përgjithshme përpara zgjedhjes në krye të saj të Arta Markut.
Zbulimi i bujshëm është bërë pas një investigimi të gjatë gjurmët e së cilës janë dashur të ndiqen hap pas hapi, derisa më në fund, gjithçka është zbardhur dhe do të bëhen publike për herë të parë sot nga Alpenews.al
Gjatë ditës së djeshme, ne i bëmë zonjës Gashi tri pyetje, të cilave ajo ende nuk i është përgjigjur edhe pse i kemi lënë 24 orë kohë. E vetmja përgjigje që Alpenews.al ka marë deri më tani, kanë qenë sulmet e paprecendente kibernetike kundër faqes tonë nëpërmjet hackerave me ip në Ukrianë, Francë, etj për ta bllokuar websiten dhe për rrjedhojë edhe vijimin e zbardhjes së këtij megaskandali.
Pyetjet që janë bërë dje për Rovena Gashin nga Alpenews.al kanë qenë:
1.- Çfarë lidhje keni me “Balkans Investment Group”, me qendër në Rrashbull të Durrësit nga ku është edhe origjina e familjes së zonjës Gashi.
2.- Çfarë lidhje keni me “Lovers Albania” dhe me shtetasen italiane Susan Schiatti, e cila zhvillon aktivitetit në lagjen nr. 14 Shkozet, Durrës?
3.- Çfarë lidhje keni me subjektin “AL 2003 sh.p.k” në Lagjen 14 në Durrës në hyrje të autostradës për në Tiranë?
Duke qenë se këto tri pyetje nuk morën përgjigje, ne do publikojmë sot në orën 18.00 këto të dhëna:
1.- Sa prona ka fshehur Rovena Gashi duke mos i deklaruar as në formularët e saj vjetor në Inspektoriatin e Lartë të Deklarimit dhe Kontrollit të Pasurive dhe Konfliktit të Interesit dhe as në organet e vttingut?
2.- Në emër të kujt i ka këto prona?
3.- Lista e pronave?
4.- Sa është vlera e çmendur e pasurisë së fshehur?
5.- Ku ndodhen këto prona?
6.- Si janë mbajtur të fshehura deri tani?
7.- Çfarë e tradhëtoi duke e nxjerrë zbuluar Rovena Gashin?!
Për këto e të tjera, Alpenews.al ju ka premtuar se do i shkojë deri në fund kësaj çështje pas investigimit që i kemi bërë me prova e fakte javët e kaluara edhe çështjes së pronave dhe pasurive të ish Kryeprokruroit Adriatik Llalla.
Alpenews.al
