Dihet gjerësisht se koronavirusi i ri sulmon mushkëritë e pacientëve, por klinikët dhe studiuesit në të gjithë botën po raportojnë se virusi po dëmton edhe organe të tjera, një zbulim që mund të ketë implikime për mënyrën se si mjekët trajtojnë Covid-19, sëmundjen të shkaktuara nga virusi dhe për mënyrën se si shërohen pacientët.
Mjekët gjithashtu po raportojnë një numër në rritje të pacientëve me Covid-19 me simptoma të dëmtimit neurologjik, duke përfshirë inflamacion të trurit, kriza dhe halucinacione.
Simptomat më serioze, por më pak të raportuara zakonisht përfshinin kriza dhe goditje në tru.
Gjetjet kanë nxitur mjekët të fillojnë të kryejnë ekzaminime të thjeshta neurologjike tek pacientët Covid-19.
Më tej, ndërsa ekspertët e shëndetit fillimisht u thoshin pacientëve të shmangnin kërkimin e kujdesit në spitale nëse nuk kishin simptoma të zakonshme Covid-19 të tilla si ethe, kollë ose probleme me frymëmarrjen, neurologët shpresojnë që të dhënat e reja të shtojnë simptoma neurologjike – të tilla si konfuzion, mpirje , ose probleme në të folur – në atë listë.
