Policia e Kurbinit ka zbardhur ngjarjen e ndodhur një ditë më parë, ku u plagos me armë zjarri 25-vjeçari E.P(T)
Uniformat blu kanë gjetur dhe sekuestruar armën e zjarrit kallashnikov, me të cilën dyshohet se autori kreu krimin.
Bashkë me armën e dyshuar të krimit, shërbimet e Policisë gjetën dhe sekuestruan në banesën e dajës së autorit, tritol, kapsolla detonatore, një tjetër armë zjarri pushkë, municion luftarak, lëndë narkotike, doreza, maskë e sende të tjera të kundraligjshme.
Gjatë aksionit, ka rënë në pranga daja i autorit, 52-vjeçari Agron Koçi, ndërsa vijon puna për kapjen e autorit të dyshuar shtetasit Kadri Kurtaj.
