Xhisiela, vajza nga Nikla e cila tronditi politikën shqiptare këtë javë. Historia e “dashurisë me djegje” të një vajzë të varfër dhe djalit të një deputeti. Një histori e cila po përfundon dhe duket se opozita po bie prapë në “gjumë”. Xhisiela vajza e cila po fliste me zë dhe me figurë tha në dy televizionet më të mëdha të vendit se nuk është dhunuar.
Ajo e nxori sërish “bllof” partinë dermokratike dhe nuk u bë bashkë me protestuesit të cilët u mblodhën para kryeministrisë me pankarta në duar ku shkruhej “MBRONI XHISIELËN”. Protesta e cila tha se do ishte jo nga politika shoqërohej me thirrjet “Rama ik”.
Protesta
Për Xhisielën u zhvillua një protestë para Kryeministrisë ku ishin ftuar të marrin pjesë të gjithë.
Aktualisht gjendja dukej paqësore, ndërkohë që të gjithë kërkojnë që drejtësia të funksionojë për të gjithë individët në mënyrë të barabartë.
Ndërkohë personazhet që përfaqësojnë shoqërinë civile, kanë mohuar se protesta është organizuar nga opozita.
Edhe pse thirrjet “Rama ik” dëgjohen mes turmës. E prapë se prapë, fjalia e 25 vjeçares: “Po jam tallur me policinë, e kam bërë nga xhelozia”, zhbëri çdo përpjekje të opozitës apo shoqërisë civile.
/AlpeNews.al
