Shqipëria një vend i vogël me drama të mëdha të cilat janë bërë për ditë të tëra qendër vëmendjeje.
Dashuria, xhelozia dhe debati i çastit janë bërë shpesh herë shkaktarë ku të derdhet gjak dhe të vriten djem nga ish-bashkëshortët të dashurave të tyre.
Një ngjarje e rëndë u regjistrua para pak ditësh në Fier ku Xhuliano Miho qëlloi me thikë bashkëjetuesin e ish-gruas së tij, 23-vjeçarin Xhimi Bakaj. Si pasojë e plagëve, i riu nuk ka mundur të mbijetojë, duke ndërruar jetë.
Shkak dyshohet se ka qenë divorci mes autorit dhe bashkëshortes së tij.
Bashkëshortja e Xhuliano Mihos, autorit të krimit të rëndë ishte larguar nga shtëpia dhe bashkëjetonte me 23 vjeçarin Xhimi Bakaj, së bashku me tre fëmijët. Gruaja ishte në proces divorci me Mihon, por në kushtet kur padia nuk kishte kaluar ende në fazë shqyrtimi nga Gjykata e Fierit, palët kishin pasur disa herë konflikte, aq më tepër kur në mes ishin dhe tre fëmijët.
Alpenews.al ju risjell disa raste të rënda të ndodhura në Shqipëri por edhe jashtë saj nga shqiptarë që kanë vrarë partnerët e ish-bashkëshorteve të tyre.
28 Janar 2019- Bashkëshorti i 20-vjeçares Elida Cani, Dëfrim Kurti dyshonte se gruaja kishte një lidhje jashtëmartesore me Arben Gjecin.
Bashkëshorti i 20-vjeçaresdhe për këtë dyshim vuri në dijeni vëllain e saj Esat Cani, 31 vjeç. Të dy bashkë e ruanin dhe e kapën të renë teksa është takuar me 34-vjeçarin, të cilin më pas e kanë dhunuar me mjete të forta duke i shkaktuar vdekjen.
20 Nëntor 2022- 23-vjecari Florino Mërkuri u vra në moshën 23-vjeçare nga ish-bashkëshorti i Vera Myrtajt.
41-vjeçari Viron Karabollaj ekzekutoi të riun shqiptar dhe gruan me të cilën ishte divorcuar prej vitesh.
Vera dhe Florino jetonin së bashku prej një viti e gjysmë në shtëpinë në “via Leopardi”, që gruaja kishte blerë së bashku me babain e vajzave të saj.
Viron Karabollaj i qëlloi për vdekje në një krim të shkaktuar në dukje nga xhelozia.
06 Maj 2023– Taulant Malaj nga Selenica e Vlorës vrau me thikë një shtetas italian, i cili ishte i dashuri i ish-bashkëshortes së tij. Ai gjithashtu vrau dhe vajzën e tij 16-vjeçare e cila ndërhy për të mbrojtur të ëmën e saj.
Autori i vrasjes pasi kreu krimin e dyfishtë, filmoi ngjarjen makabre dhe pamjet së bashku me një rrëfim ua ka dërguar disa personave me mesazh në Whatsapp.
