Fotot e saj thuajse nudo kanë provuar se shkaktojnë ‘tërmet’ dhe tashmë që u mbulua kokë e këmbë këngëtarja Bleona Qereti shkakton debat.
Ajo ka publikuar në rrjetet sociale momente nga udhëtimi i saj i fundit në Emiratet Arabe. Ky është një vend i cilësuar si nga më të shtrenjtit në botë.
Ndërkohë një komentues i ka shkruar se qëllimi i udhëtimit të saj atje është të kapë një Sheik. Dhe Bleona me sa duket se ka pasur kohë të lirë dhe i është kundërvënë madje i ka publikuar dhe të dhënat e tij në profilin e saj.
Mbrëmjen e djeshme ajo është kthyer me një udhëtim biznes-klass për në Amerikë nga ku ka gjetur edhe kohën për të shikuar edhe komentet e fansave që e ndjekin kudo.
Pikërisht një koment duket se e ka inatosur tej mase Bleonën, ku një komentues i thoshte: “Ke vajtur të peshkosh Sheikun”.
Këngëtarja i ka publikuar komentet në Instastory dhe ka vendosur ti japi një përgjigje si një mësim publik fansit që e akuzon.
Sigurisht xhaxhi “hajdar Ajnshtajni” më gjykon nga perspektiva e vet, me trurin e tij prej zogu, dhe ngaqë nuk ja kap radari i fut një “mendje të lehtë”: “Deti u bë kos dhe mora dhe unë një lug dhe u nisa për në Abu Dhabi!”, shkruan Bleona në postimin e saj në Instastory.
