Presidenti serb Aleksandër Vuçiç ka mbledhur me urgjencë mëngjesin e sotëm Këshillin e Sigurisë Kombëtare pas deklaratave të Presidentit të Kosovës, Hashim Thaçi dhe deklaratave për ndryshimin e kufijve mes dy vendeve. Pas mbledhjes Vuçiç i është përgjigjur pyetjeve të gazetarëve duke u shprehur se do të bëjnë çdo gjë për të ruajtur paqen.
I pyetur se çfarë pritej të ndodhte në situatën aktuale mes dy shteteve, Vuçiç u shpreh se do të bënte gjithçka për të ruajtur paqen.
Unë i kërkoj njerëzve në Kosovë të mos kenë frikë, sepse Serbia do të japë gjithçka për të ruajtur paqen dhe sigurinë. Nuk do të ketë sulme sepse shteti serb nuk do t’i miratojë ato. Ne bëjmë gjithçka, do të japim gjithçka për paqen. Kemi marrë vendime që nuk janë bërë ende publike.
Pyetjes për një kompromis të mundshëm, Vuçiç iu përgjigj se një mundësi e tillë kompromisi nuk është në horizont dhe se nuk ishte optimist në këtë pikë.
Tani për tani nuk ka zgjidhje dhe ne nuk e kemi për ta marrë atë. A është në horizont? Unë nuk mendoj kështu. Unë nuk jam optimist.
Ai gjithashtu deklaroi se Serbia do t’i përmbushë obligimet e veta sepse është një partner i besueshëm i ndërkombëtarëve dhe sepse ndjen që ai është obligimi i tyre.
Ne do të përmbushim atë që nënshkruam. Ne do të bëjmë çfarë kemi mundësi. Por ne do të përpiqemi për të forcuar pozicionin tonë negociues.
