Presidenti i Serbisë, Aleksandar Vuçiç ka thënë se ka informacione dhe njohuri për vrasjen e gjashtë serbëve në Pejë në vitin 1998, për të cilën gjë, siç ka thënë ai, askush nuk është përgjigjur.
Më 14 dhjetor 1998, dy persona të maskuar kanë hyrë në kafenenën“Panda” dhe kanë vrarë nxënësit e shkollave të mesme: Ivan Obradovic, Zoran Stanojevic, Svetisllav Ristic, Dragan Trifovic, Vukosav Gvozdenovic si dhe studentin, Ivan Radovic.
“Kam informacione dhe njohuri, por autoritetet tona përgjegjëse janë në kërkim të dëshmive të plota që ky krim i tmerrshëm të zgjidhet. Sa i përket Serbisë dhe mua personalisht, prindërit e viktimave mund të jenë absolutisht të bindur se nuk do ta fshehim të vërtetën pavarësisht se kush është ai që ka marrë pjesë në këtë krim të rëndë, qoftë shqiptar apo serb”, ka thënë Vuçiç në një intervistë për televizionin serb, TV Prva.
Vuçiç ka thënë se ai është i pari që ka mbledhur kurajë për të folur për këtë çështje dhe se “nuk brengoset për rrezikun që ka marrë”.
