Të paktën 13 oficerë të policisë afgane janë vrarë sot në një përleshje të papritur me militantët talebanë në provincën Kunduz, në verilindje të Afganistanit, raporton Reuters.
Militantët i sulmuan pikat e kontrollit të sigurisë gjatë natës, ka thënë shefi i distriktit Khanabad, Hayatullah Amiri, transmeton Express.
“Në total 14 oficerë të policisë ndodheshin në postblloqe, por njëri prej tyre ka ikur derisa pjesa tjetër janë vrarë”, ka thënë ai.
Talebanët po ashtu i kanë vjedhur disa armë dhe një automjet të blinduar nga pikat e kontrollit të sigurisë.
/AlpeNews.al/
