Dy të arrestuarit për vrasjen e 62-vjeçarit Enver Balla në Shënavlash, këtë të shtunë kanë dalë para gjykatës së Durrësit për t’u njohur me masën e sigurisë.
Djali i tij Esmerald Balla, 34-vjeç, akuzohet se vrau babain dhe trupin e tij e ka hedhur në pus, me ndihmën e Edison Brahaj.
Ngjarja e rëndë ka ndodhur në Shënavlash të Durrësit, ndërsa trupi i pajetë është gjetur rreth 20 ditë pas vrasjes. Ka qenë vetë djali që ka denoncuar në polici, “zhdukjen” e të atit, por hetimet e nxorën zbuluar.
Esmerald Balla tentoi ta fshihte ngjarjen, duke pretenduar se babai ishte larguar nga banesa me një grua, së bashku me një shumë prej 75 mijë euro që mbanin në kasafortë në shtëpi dhe u bë mollë sherri mes baba e bir.
