Është kapur pas rreth tre javësh 75-vjeçari nga qyteti i Kukësit i cili vrau me sëpatë gruan e tij 68-vjeçare.
Adem Tale nga fshati Borje i këtij qyteti ka qëlluar me sëpatë mbi gruan e tij Z.Tale dhe më pas është larguar nga banesa duke i shpëtuar arrestimit të policisë.
Ngjarja ka ndodhur mbrëmjen e 4 prillit kur për motive të dobëta plaku ka vrarë bashkëshorten e tij me të cilën kishte më shumë se 30 vite martesë.
Babai i gjashtë fëmijëve ka arritur të qëndrojë i fshehur në mal për më shumë se tre javë, deri sa është kapur ditën e sotme nga policia e këtij qyteti.
Pritet që dëshmia e tij të zbulojë më mirë shkakun për të cilin ka ndodhur krimi i rëndë.
