Ditën e djeshme është dhënë masa e sigurisë ‘Burgim i përjetshëm” për Gazmëend Mustën i cili ka vrarë bashkëshorten dhe kunatën e tij.
Kujtojmë se ngjarja e rëndë u regjistrua mbrëmjen e 2 janarit të vitit 2019, ku Gazmend Musta qëlloi me thikë për vdekje gruan, Gentjana Musta dhe motrën e saj, Milisa Çuashaj. Më 8 prill të këtij viti, rreth dy vite pas ngjarjes që tronditi opinionin publik, Gjykata e Fierit e dënoi 36-vjeçarin me burgim të përjetshëm duke e shpallur atë fajtor për krimin e dyfishtë.
Autori nuk ka bërë rezistencë dhe duket se fjalët e fundit kanë qenë fëmijët dhe u ka dhënë familjarëve porosi që të kujdeseshin për ta.
Por çfarë tha për krimin e rëndë Gazmend Musta?
Ndryshe nga familjarët e dy viktimave, Gazmend Musta pretendon se bënte një jetë normale me bashkëshorten dhe shkak për ngjarjen atë ditë ishte bërë kunata e tij. Ai pretendon gjithashtu se kunata e ka ofenduar para familjes dhe e ka degjeneruar duke e kërcënuar atë.
“Atë ditë kisha konsumuar alkool. Kur u futa brenda, hidhet kunata dhe më tha mua: ‘Genën do ta marrim ne sot, do të ikim në fshat’, se një javë kisha që kisha ardhur nga Greqia. Aty filloi kunata dhe i acaroi gjërat, që jo ti nuk bën për motrën time, ti je legen, ti je plehër. Po çfarë t’i bëj babait që e dha te ti. Mua m’u errën sytë. Po bëja 10 vjet me gruan, ne nuk kemi pasur asnjë konflikt në familje. Gruaja donte të ikte në Tiranë me shtëpi dhe unë i thashë që unë kam blerë shtëpi në Ballsh se punoja në Greqi dhe i thashë që nëse do të ikësh, lëri fëmijët këtu dhe ec. Të nxjerr zorrët më tha kunata dhe niset tutje për nga lavamani te Genta dhe kap thikën. Kunata më shtyu dhe më pas nuk e mbaj mend se çfarë mora. Më kanë ofenduar në mënyrë barbare, më kanë degjeneruar para familjes dhe për momentin mua më ka ikur truri, unë jam i penduar, kjo është e vërteta”, thotë Musta.
