Vijojnë hetimet ndaj prindërve të vogëlushes Lily-Mai Hurrell Saint George, e cila dyshohej se ishte vrarë prej nënës së saj vetëm dhjetë javë pas lindjes, si pasojë e depresionit. Lily- Mai lindi para kohe dhe mbahej në inkubator prej më shumë se dy muajsh dhe dukej se shëndeti i saj ishte përmirësuar, sipas Daily Mail.
Pak ditë pas daljes nga spitali, prindërit e saj raportuan se e vogla kishte ndërruar jetë edhe pse mjekët garantuan se ajo gëzonte shëndet të plotë. Sipas mjekësisë ligjore, Lily- Mai ishte dhunuar për vdekje dhe gjatë ekspertizës u zbulua se kishte pësuar dëmtim fatal në tru, 18 fraktura në brinjë dhe një këmbë të thyer.
Si rezultat, gjykatësi vendosi që ajo të mos marrë më shumë se një dënim me kusht. Në gjykim për vdekjen e foshnjës nuk ishte vetëm nëna e saj, por edhe babi 25- vjeçar, i cili doli “i pastër” nga hetimet e kryera.
Në bankën e të akuzuarve ishin edhe punonjësit socialë në Haringey, e cilësuar si autoriteti lokal më i dështuar për mbrojtjen e fëmijëve në vend. Pothuajse çdo anëtar i stafit që kujdesej për Lily-Mai në spital, mjekë, infermierë, mami ishin pro heqjes së kujdestarisë së prindërve.
Sipas fjalëve të prokurorit, çifti, prej disa vitesh ishin të pastrehë dhe “të papërshtatshëm për t’u kujdesur për të”. Ajo nuk ishte një nënë normale, dukej që ishte e papreokupuar për t’i vënë nevojat e vajzës mbi nevojat e saj, nuk mund të krijonte një lidhje shpirtërore me të bijën dhe as nuk shfaqte ndonjë interes ndaj saj, kanë thënë punonjësit socialë.
Nëna ankohej se e vogla nuk e linte të flinte, pasi rënkonte pafund. Nga hetimet u zbulua se nëna vuante nga depresioni, është ndarë për një kohë nga i shoqi dhe se kishte një fëmijë tjetër, për të cilin kujdesej vetëm i ati.
Megjithatë, paralajmërimet nuk u morën mjaft seriozisht. Gjashtë ditë pasi u largua nga spitali Barnet në vitin 2018, nëna telefonoi 999 për të raportuar se foshnja e saj nuk merrte më frymë.
