Pas vdekjes së të birit, ka folur për herë të parë nëna e 21 vjeçarit Aldi Rama i cili vrau ditën e djeshme nënkomisarin Saimir Hoxha.
Ajo deklaron se nuk kishte shumë konktakte me të birin dhe se nuk e dinte për përfshirjen e tij në veprimtari kriminale.
Nëna e 21-vjeçarit u shpreh se që prej divorcit me të atin e Aldi Ramës, 21 vjeçarin e kishte lënë në shtëpinë e xhaxhait.
“Me djalin kisha pak kontakte, sepse pas divorcit ai qëndroi në shtëpinë e xhaxhait në Lezhë. Unë shumë pak takohesha me djalin dhe nuk isha në dijeni të asnjë aktiviteti kriminal. Ne jemi në zi, më ka humbur djali 21 vjeç. Jemi shumë të hidhëruar”, ka thënë e ëma.
Ndërkohë siç është mësuar babai i tij ndodhet me burgim të përjetshëm në Greqi dhe një vëlla ka qenë në burg. Vetë Aldi rama ka qenë dy herë i dënuar.
