Vrasjet që tronditën qytetin e Shkodrës, ka bë që gjithë vëmendja të kthehet në këtë qytet i cili është përgjakur disa herë.
Pas shkarkimin të drejtorit ë policisë Shkodë, në krye të këtij institucioni të “kryeqytetit verior” u vendos Niko Brahimajt, një prej kryepolicëve të karrierës në 30 vitet e fundit në Shqipëri.
Ai do ketë misionin e vështirë që të kthejë paqen e humbur në qytetin verior, i cili afro një vit ka regjistruar 11 të vrarë në një konflikt mes fiseve rivale, të emërtuar dhe si “luftë bandash”.
Po kush është drejtori i ri i policisë Shkodër që u vendos pas vrasjes së dy vëllezërve Astrit dhe Brahim Bilali:
Niko Brahimaj ka mbajtur poste të larta drejtuese në Policinë e Shtetit në vite. Së fundmi ishte drejtor për Hetimin e Krimeve të Rënda në Drejtorinë e Përgjithshme të Policisë, ku nuk ka hezituar të shprehë hapur edhe në një takim të fundit kritikat për Policinë e Vlorës sa i përket luftës anti-kanabis. Ka mbajtur detyrën e drejtorit të Forcave Operacionale, që ka në varësi edhe forcat elitë të Policisë së Shtetit, RENEA-n.
Ai njihet edhe për ngjarjen e 20 nëntorit të vitit 2000, ku një skuadër e drejtuar nga prej tij shoqëroi në polici Sali Berishën, në atë kohë kryetar i opozitës së atëhershme, pas djegies së Komisariatit të Tropojës. Niko Brahimaj mbante postin e nëndrejtorit të Policisë së Shtetit, në kohën kur në krye të saj qendronte Bilbil Mema. Në vitin 2005, pak muaj pasi Berisha erdhi në pushtet, Niko Brahimaj u transferua në Policinë e Tropojës. Në vitin 2013 Niko Brahimaj u rikthye ku drejtoi Policinë e Lezhës.
Përgatiti: AlpeNews.al
