Një përplasje me armë është regjistruar në Hanover të Gjermanisë, ku një 30-vjeçar shqiptar nga Kosova ka mbetur i vrarë. Ngjarja ndodhi ditën e djeshme rreth orës 13:30 në qendër të Hanoverit.
Mediat raportojnë se gjithçka nisi pasi drejtuesit e dy makinave, një Porsche Cayenne dhe një Mercedes S500 patën një debat të ashpër. Dëshmitarët pohuan se drejtuesi i Porsche Cayenne doli nga mjeti dhe teksa iu afrua Benzit qëlloi me një plumb në drejtim të shoferit dhe u largua. Ndërkohë që viktima ndërroi jetë në vend.
I riu shqiptar nuk është një emër i panjohur për policinë. BILD raporton se viktima dyshohet edhe për një vrasje të kryer në vitin 2017.
Pavarësisht se media gjermane ka publikuar foton e të riut, nuk bën të ditur identitetin e tij. Hetimet vazhdojnë dhe autori i krimit nuk është kapur akoma. Në aksion janë përfshirë edhe forcat speciale.
