Zbardhen detaje të reja nga përplasja me armë në zonën e ish-bllokut ku u vra një person dhe u plagosën tre të tjerë. Policia ka arrestuar dy nga të plagosurit, Ervis Martinaj, 36-vjeç dhe Eljon Hato, 28-vjeç, ndërsa janë shpallur në kërkim si të përfshirë me ngjarjen tre persona Ervin Mata, 31 vjeç, banues në Tiranë, Fabjol Alushi, 42 vjeç, banues në Tiranë dhe Merviol Bilo, 41 vjeç, banues në Tiranë, ky i fundit bodygard i Elvana Gjata.
Burimet konfirmojnë se Merviol Bilo është specialist xhenjo në batalionin e Forcave Komando të Zall-Herrit. Bilo ka qene 3 here ne misione ne Afganistan dhe ka kaluar te gjitha testet profesionale me rezultate maksimale. Siç bejne shume komponente te forcave te rendit, kur jane jashte sherbimit, punojne si bodigard, pasi ligji aktual nuk e pengon.
I vetmi detyrim eshte ai i te mosmbajturit me vete te armes se sherbimit. Ai dyshohet se ka ekzekutuar me një plumb në kokë Fabjol Gaxhën, truprojën e Ervis Martinajt si dhe plagosi këtë të fundit bashkë me Eljon Haton. Në një lidhje telefonike, gazetari investigativ Artan Hoxha, tha se qitjet në lokal janë kryer nga komandoja i cili ka qëlluar në kokë Fabiol Gaxhën duke e lënë të vdekur.
Në pjesën e qafës ka qëlluar edhe Ervis Martinajn e Eljon Haton. Ky i fundit ndodhet në gjendje të rëndë në Spitalin e Traumës pasi predhat nga arma e zjarri pistoletë e komandos, i kanë prekur organet jetike. /ReportTv
