Deputeti i Partisë Demokratike Ervin Salianji reagon pas vrasjes së ish-anëtarit të Bandës së Lushnjes, Alban Semaku në Peqin.
Salianji thotë se ngjarjet kriminale janë kthyer në normalitet në Shqipëri, ndërsa territori i vendit sipas tij është nën kontrollin e mafias dhe jo nga qeveria.
Postimi i Salianjit:
Vrasjet e stilit mafioz, trafiku i drogës, emigrantët e paligjshëm, dhuna e përditshme, konfliktet me armë dhe përplasjet e bandave për kontrollin kriminal të territorit janë kthyer në normalitet të kobshëm. Rrallë ka ditë pa mungesa të ngjarjeve të rënda kriminale, aq sa lajm përben mungesa e ngjarjeve tashmë!
Bashkëpunimi me krimin dhe bandat për të siguruar vota për rilindjen po jep efektet qartë në kontrollin e territorrit që e ka mafia në zotërim dhe jo qeveria! Rendi dhe siguria publike në nivel alarmant, pasiguria, frika dhe ankthi mbizotëron!
