Një ngjarje e rëndë ndodhi mbrëmjen e djeshme në Paskuqan, ku Erdet Çapoku 34-vjeç vrau me thikë dhe shkop druri kunatën e tij. Ngjarja ka ndodhur në banesën e viktimës, Enkeleda Çapoku, e cila jetonte me vajzën dhe nënën, pasi burri, pra vëllai i autorit ndodhet në burg i dënuar me 10 vite për drogë.
Nëna e 39-vjeçares që u vra nga kunati në Paskuqan me zë të dridhur dhe lot në sy tregon tmerrin që përjetuan mbrëmë dhe si 30-vjeçari i vrau vajzën. Ajo thotë se ai i preku damarët dhe më pas e qëlloi me levë duke e lënë të vdekur.
“E vrau me levë punë sekondash, nuk lëngoi. Isha tromaksur, mua ai më hodhi në tokë. Komshinjtë erdhën të shkretët kur bërti, por kishte mbaruar. Ti presësh damarët e duarve dhe ta çash te thonjtë, të mos mbarojë robi, ajo 30 kg ishte. Bir nëna bir për gocën time, janë tharë lotët e nënës, që ka punuar tërë jetën në fabrikë“.
