Zbardhen detaje të reja nga ngjarja e rëndë që tronditi Hasin pasditen e kësaj të mërkure.
Nga të shtënat me armë zjarri në fshatin Pla, humbi jetën Rushit Sallahu 34 vjeç, ndërsa autori është identifikuar si Ylje Jaku 41 vjeç. Ky i fundit është prangosur nga policia, ndërsa është sekuestruar edhe arma e krimit.
Sallahu u gjet i ekzekutuar me një plumb brenda në automjetin e tij.
Shkak për ngjarjen dyshohet të ketë qenë një konflikt i hershëm mes të dyve për një pronë. Ata ishin përplasur me njëri-tjetrin edhe disa ditë më parë, sherr i cili sot i mori jetën 34-vjeçarit.
