Dy prej personave që mbetën të plagosur në konfliktin me armë në Elbasan janë transportuar në Qendrën Spitalore të Traumës në kryeqytet. “BalkanWeb” pamjet nga momenti kur dy të plagosurit mbërrijnë me autoambulanca në Spitalin e Traumës.
Burime nga ky spital bënë me dije për gazetarin Skëndaj se dy të plagosurit të moshës 30 dhe 50 vjeç kanë marrë plagë të lehta dhe janë jashtë rrezikut për jetën.
Të plagosurit kanë plagë të shkaktuara nga armë zjarri në gjymtyrë, trup dhe kokë, por nga ekspertiza e parë mjekësore rezultojnë pa probleme serioze. Ndërkohë që po i nënshtrohen analizave dhe ekzaminimeve më të specializuara.
