Vetëdotëzohet në Polciinë e Tiranës, Ervin Mata, i përfshirë në vrasjen e ndodhur në ish-Bllok në Tetor të vitit 2018. Mësohet se një pjesë të dëshmisë që Mata ka dhënë në polici. AI është shprehur se nuk ka lidhje me vrasjen e ndodhur, dhe se nuk ka qëlluar. “U largova se u frikësova, por nuk kam qëlluar. Mua më sulmuan”, – mësohet të jetë shprehur Mata.
Ngjarja e rëndë ndodhi në zonën e ish-bllokut në Tiranë, mbrëmjen e 4 tetorit të vitit 2018. Në një lokal u qëllua për vdekje Fabjol Gaxha, ndërsa mbetën të plagosur Ervis Martinaj dhe Eljo Hato. Gaxha dyshohet se u qëllua për vdekje nga ish-komandoja Mervjol Bilo, i cili vijon të jetë ende në kërkim. Ervin Mata u vetëdorëzua këtë të shtunë në policinë e Tiranë.
Eljo Hato u lirua nga burgu në saj të një garancie pasurore prej rreth 1 milionë lekësh, për tu hetuar në gjendje të lirë. Ai mbeti i paralizuar nga përplasja me armë mes dy grupeve, brenda ambjenteve të lokalit. Eljo Hato akuzohet për vrasje të mbetur në tentativë, pasi të dyja palët kanë qëlluar me armë.
Ervis Martinaj edhe pse i plagosur nga kjo ngjarje u arrestua në spital nga policia, për armëmbajtje pa leje, armë e cila u fsheh fillimisht nga pronari i lokalit.
Grupi i Ervin Matës u përlesh me grupin e Martinajt në lokal, ku u shënua një viktimë. Ervi Mata, është i dashuri i këngëtares së njihur Elvana Gjata. Sipas hetimeve të kryera deri më tani, dyshohet se Fabjol Gaxha u qëllua për vdekje nga ish-komandoja Mervjol Bilo.
Shkak i përplasjes dyshohet të ketë qenë prishja e pazareve të drogës, ku i përfshirë është edhe Eldi Dizdari, kushëri i Arbër Çekajt, i cili ishte pronari i kontenierit me 613 kg kokainë të fshehur ndërmjet bananeve, që u bllokua në Durrës në fundin e shkurtit të kaluar.
